Fota Voli Aficeravaj
Deputat Hanna Kanapackaja sustrełasia z premjer-ministram Siarhiejem Rumasam. Jany abmierkavali napracoŭki deputata ŭ halinie ekanomiki i sacyjalnaj śfiery i dalejšaje supracoŭnictva, piša Tut.by.
Sustreču premjer-ministr pryznačyŭ deputatu paśla nulavoha čytańnia biudžetu ŭ parłamiencie. Na pasiadžeńni, adkazvajučy na pytańnie Kanapackoj, Siarhiej Rumas publična zaprasiŭ jaje na pracu va ŭrad. Paśla jany damovilisia sustrecca asobna.
Sustreča, pavodle słoŭ Kanapackoj, doŭžyłasia amal dźvie hadziny. Ale havorki pra jaje pracaŭładkavańni va ŭradzie nie išło.
- Premjer-ministr nie moža prapanavać mnie pasadu, heta nie ŭ jaho kampietencyi, tamu ab pracaŭładkavańni my nie razmaŭlali, - raspaviała TUT.BY Kanapackaja. - Ale my damovilisia ab dalejšym supracoŭnictvie pa ŭsich tych napracoŭkach, jakija ŭ mianie majucca ŭ pytańniach ekanomiki — inviestycyjnaj pryvabnaści krainy, zakonie ab pryvatyzacyi, sacyjałki — piensijnaj reformie, reformie adukacyi, palityki - intehracyi z Rasijaj.
