Z 21 pa 27 listapada ŭ prakacie projdzie dakumientalny film «Čystaje mastactva» režysiora Maksima Švieda.
Niadaŭna na MMKF «Listapad» film atrymaŭ Śpiecyjalny dypłom Hildyi kinaznaŭcaŭ i kinakrytykaŭ Biełaruskaha sajuza kiniematahrafistaŭ «Za daścipnaje i trapnaje adlustravańnie biełaruskaj samaśviadomaści». A miesiac tamu Maksim Švied uziaŭ pryz za najlepšuju režysuru na samym vialikim u Rasii kinafiestyvali dakumientalnaha kino Artdocfest.
Pakazy filma «Čystaje mastactva» projduć u kinateatrach «Rakieta» (sieansy pačynajucca a 20-j u budnija dni, a 17-j u vychadnyja) i Silver Screen Cinema ŭ HC Galileo (pačatak a 20-j).
Malary ŽESa Zina i Ina staranna zafarboŭvajuć na ścienach Minska nadpisy, pakidajučy paśla siabie roznakalarovyja prastakutniki. Natchniony jarkimi fihurami mastak-abstrakcyjanist Zachar Kudzin vychodzić na haradski plener, kab skapijavać ich na pałatno. Zacikaŭlenyja minaki, sprabujučy interpretavać tvorčaść Zachara, vykazvajuć svajo mierkavańnie nie tolki pra mastactva. Nazirajučy za naradžeńniem art-fienomienu, film ź ironijaj i luboŭju pakazvaje sučasnuju Biełaruś.
