Praca sa ŚMI, sa srodkami kamunikacyi maje kałasalnaje značeńnie. Takoje mierkavańnie karespandentu BiełTA vykazaŭ namieśnik ministra infarmacyi Ihar Buzoŭski, kamientujučy pracu niekatorych ŚMI padčas pieradvybarnaj ahitacyi.
«Košt dyjałohu vielmi vysoki, bo farmiravańnie pačućcia prynaležnaści — heta samaja karotkaja daroha da inšaha čałavieka, da ahulnych pieramoh. Jarkaja palityčnaja rekłama, bufanada, chajp i tym bolš śpiekulacyja na brudzie — heta taktyka, što viadzie ŭ nikudy. Sapraŭdny dyjałoh — heta stratehija farmiravańnia davieru hramadskaści», — skazaŭ Ihar Buzoŭski.
Jon daŭ acenku pracy ŚMI ŭ hetaj vybarčaj kampanii: «Pracu ŚMI možna acanić z dvuch punktaŭ hledžańnia. Z adnaho boku — zakanadaŭča. Niejkija vychadki, jakija my siońnia zaŭvažajem, ja dumaju, atrymajuć pravavuju acenku. Ale naturalna, što jość i inšaja acenka — hramadzianskaja». Pavodle jaho słoŭ, ludzi sami aceniać dziejnaść roznych srodkaŭ masavaj infarmacyi, u tym liku i sacyjalnych sietak.
Fota: BiełTA.
