Na 15 listapada na Kastryčnickaj płoščy ŭ Minsku byŭ zapłanavany mitynh u miežach parłamienckaj vybarčaj kampanii. Jon pačaŭsia a 18-aj hadzinie i pieramiaściŭsia z Kastryčnickaj płoščy na płošču Svabody.
U minułuju piatnicu na akcyi, arhanizavanaj papularnym videabłohieram Nexta, mitynh na Kastryčnickaj płoščy anansavaŭ aktyvist hramadzianskaj kampanii «Jeŭrapiejskaja Biełaruś» Jaŭhien Afnahiel.
Bolšaja častka Kastryčnickaj płoščy była pierakrytaja, tam mianiali plitku. Hučna pracavali pierfaratary.
Na Kastryčnickaj sabrałasia 100 čałaviek, siarod ich Iryna Chalip, Viačasłaŭ Siŭčyk, Aleś Turovič, Leanid Kułakoŭ, Mikoła Statkievič i jaho paplečnik Valancin Trocki.
Adna z udzielnic, lehiendarnaja Nina Bahinskaja, uźniała bieł-čyrvona-bieły ściah.
Viadzie mitynh błohier z Oršy Źmicier Kazłoŭ (viadomy pad nazvaj «Šery kot»), jakoha źniali z vybaraŭ.
Aleś Krutkin z Połacka abvinavačvaŭ ułady ŭ tym, što jany skrali vybary. «Kałhasnaj mafii basta», — kryčaŭ aktyvist.
Režysior Aleś Turovič vielmi emacyjna zaklikaŭ spynić budaŭnictva AES.
Zatym Mikałaj Statkievič zaklikaŭ pajści ludziej na płošču Svabody, i bolšaja častka ŭdzielnikaŭ rušyła za im. Udzielniki akcyi sabralisia kala ratušy, z prystupkaŭ jakoj vystupali aktyvisty.
Na mitynhu prystuničała vialikaja kolkaść maładzionaŭ.
Iryna Chalip vykazała mierkavańnie, što Biełarusi treba znoŭ viarnucca da pratestnych akcyj, bo heta adziny sposab źmianić uładu ŭ krainie.
Iryna Chalip i Mikałaj Statkievič prapanavali sabracca zaŭtra na novuju akcyju ŭ ramkach lehalnaha pieradvybarčaha pikieta Aleny Tałstoj.
Pierad akcyjaj zatrymali aktyvistaŭ «Jeŭrapiejskaj Biełarusi» Jaŭhiena Afnahiela, Maksima Viniarskaha i Volhu Nikałajčyk.
