14 listapada barysaŭčanie paskardzilisia milicyi na pjanaha kiroŭcu Volkswagen Golf, jaki paškodziŭ try aŭtamabili i źnik.
Narad DAI nakiravaŭsia da miesca zdareńnia. Inśpiektary sustreli mašynu — taja ruchałasia nasustrač słužbovamu transpartu.
Pravaachoŭniki zabłakavali prajeznuju častku i padali śpiecyjalny hukavy sihnał, uklučyŭšy majački.
Vadziciel praihnaravaŭ patrabavańnie spynicca i pasprabavaŭ abjechać słužbovuju mašynu. Adnak u jaho heta nie atrymałasia: mašyna začapiła bakavoje lusterka i padrapała kuzaŭ aŭtamabila DAI. Tym nie mienš, praź niekalki mietraŭ paśla sutyknieńnia vinoŭnik DTZ usio ž spyniŭsia.
Za rulom Volkswagen Golf u stanie ałkaholnaha apjanieńnia (2,66 pramile) byŭ 37-hadovy barysaŭčanin.
Akramia bujnoha štrafu i pazbaŭleńnia prava kiravańnia transpartnymi srodkami, kiroŭca pavinien budzie kampiensavać škodu inšym kiroŭcam.