Sustreča lidaraŭ krain «narmandskaj čaćviorki» (Ukrainy, Rasii, Hiermanii i Francyi) zapłanavana na 9 śniežnia 2019 hoda ŭ Paryžy.
Inicyjatyva ab dacie zychodziła ad Francyi, adnak kančatkovaje zaćviardžeńnie čakałasia z boku Rasii.
Pieršapačatkova mierkavałasia, što samit projdzie ŭ kancy vieraśnia — pačatku kastryčnika.
Na majučym adbycca samicie źbirajucca abmierkavać niekalki błokaŭ pytańniaŭ, u tym liku takija supiarečlivyja jak amnistyja bajevikoŭ i asablivy status Danbasa, paviedamlaje Kommiersant'.
Krynica vydańnia raskazała, što na paradku dnia sustrečy — asablivy status dla asobnych rajonaŭ Danieckaj i Łuhanskaj abłaściej, raźviadzieńnie sił i srodkaŭ na novych učastkach, źniaćcie «ekanamičnaj błakady» Danbasa, adnaŭleńnie čyhunačnych znosin z akupavanymi terytoryjami, abmien pałonnymi i poŭnaja amnistyja bajevikoŭ.
Pa słovach krynicy, rasijski bok budzie nastojvać na zakanadaŭčaj zabaronie pieraśledu bajevikoŭ niezakonnych uzbrojenych farmiravańniaŭ.
