U «Kłubie redaktaraŭ» na «Biełaruś 1» vystupiŭ ziać Alaksandra Radźkova, kolišniaha pieršaha namieśnika kiraŭnika Administracyi prezidenta (2010-2014).

Uładzimir Piarcoŭ uznačalvaje pradstaŭnictva teleradyjokampanii «Mir» u Biełarusi.

Uładzimir Piarcoŭ. Fota BiełTA

Jon tłumačyŭ hledačam, što niekatoryja kandydaty ŭ deputaty zahadzia sprabujuć apraŭdać svoj projhryš na vybarach. Praŭda, nie nazyvaŭ ich imionaŭ.

«Razumiejučy, što jany nie projduć, pačynajuć užo ciapier zapuskać niejkija narychtoŭki, čamu heta ŭ ich nie atrymałasia. Kali niama mahčymaści zrabić «pryhožy» pierformans, kab ciabie za niejkija parušeńni paŭščuvali abo, lepš za toje, źniali z vybarčaj honki, to svoj projhryš ŭžo ciapier treba sprabavać apraŭdać», — zajaviŭ Uładzimir Piarcoŭ, kamientujučy vykazvańni niekatorych kandydataŭ, što im nie chapiła efirnaha času abo mahčymaści vystupić na staronkach haziet, kab stać viadomymi i prajści ŭ parłamient.

Uładzimir Piarcoŭ źviarnuŭ uvahu, što ciapier zakanadaŭstva dazvalaje kandydatam kuplać efirny čas i płoščy ŭ hazietach, kab danieści svaju pazicyju.

Клас
0
Панылы сорам
0
Ха-ха
0
Ого
0
Сумна
0
Абуральна
0