Novyja terminały dla papaŭnieńnia elektronnych prajaznych i prodažu tałonaŭ mohuć źjavicca ŭ Minsku da krasavika 2020 hoda. Pra heta karespandentu ahienctva «Minsk-Naviny» paviedamiła načalnica finansava-ekanamičnaha ŭpraŭleńnia pradpryjemstva «Minsktrans» Alena Ramanava.
Siońnia pasažyry mohuć papaŭniać bieskantaktavyja smart-karty ŭ kijoskach pradpryjemstva, kasach mietrapalitena, a taksama raźmieščanych u padziemcy terminałach BPS-Śbierbanka. Ale zaraz idzie havorka pra terminały, jakija źjaviacca na pavierchni, chutčej za ŭsio, kala prypynačnych punktaŭ. Z dapamohaj hetych pryład pasažyry zmohuć nie tolki papaŭniać elektronnyja prajaznyja, ale i nabyvać adnarazovyja tałony. Pieršapačatkova raspracoŭščyk płanuje ŭstalavać nievialikuju kolkaść takich terminałaŭ i pravieści ich doślednuju ekspłuatacyju.
Prapracoŭvajecca taksama mahčymaść dystancyjnha papaŭnieńnia prajaznych praź internet (ARIP).
Kali jaho atrymajecca ŭvasobić u žyćcio, pasažyram stanie praściej papaŭniać svaje karty BSK. Na WEB-servisie pasažyr abiare nieabchodny prajazny, jakomu budzie prysvojeny śpiecyjalizavany kod. U ARIP u raździele «Apłata transpartu» z dapamohaj hetaha koda karystalnik zrobić tranzakcyju. Praŭda, potym treba budzie ažyćciavić jašče adnu manipulacyju — jaho fizičny zapis na kartku, dla čaho na prypynkach raźmieściać śpiecyjalnyja pryłady, da jakich treba budzie prykłaści bieskantaktnuju smart-kartu. Pakul što nie vyrašana, ci na kožnym prypynku źjavicca takoje abstalavańnie, ci jość sens raźmiaščać jaho pobač z kijoskami abo, naadvarot, tam, dzie ich niama. Mahčyma, padobnyja pryłady zamacujuć na słupach pad elektronnymi tabło. Ale heta tolki adzin z mahčymych varyjantaŭ.
U pierśpiektyvie pradpryjemstva płanuje zakryć 164 kijoski.
