Supracoŭniki adździeła pa baraćbie z kantrabandaj Minskaj rehijanalnaj mytni kanfiskavali ź niezakonnaha abarotu kala 7500 blašanak niepalilnych tytuniovych vyrabaŭ - śniusu, paviedamlaje pres-słužba Dziaržaŭnaha mytnaha kamiteta.
Na adras 19-hadovaha minčuka pry dapamozie słužby ekspres-dastaŭki pryjšli dźvie pasyłki z Rasii. U dakumientach byli zajaŭleny cukierki, na samaj ža spravie ŭ pasyłkach znachodziłasia ŭ ahulnaj składanaści 4,5 tysiačy słoikaŭ ź niekurylnymi tytuniovymi vyrabami.
Pry praviadzieńni dadatkovaj pravierki ŭstanoŭlena, što ŭ haražy atrymalnika dadzienaha tavaru zachoŭvajecca jašče 3 tysiačy słoikaŭ z padobnym źmieścivam.
Ekśpierty Dziaržaŭnaha kamiteta sudovych ekśpiertyz paćvierdzili, što va ŭsich blašankach znachodzicca śnius.
U vyniku mytnikami ź niezakonnaha abarotu kanfiskavana kala 50 kh śniusu koštam u 90 tysiač biełaruskich rubloŭ.
Minskaj rehijanalnaj mytniaj u dačynieńni da hramadzianina, jaki sprabavaŭ pieramiaścić zabaronieny da ŭvozu i abaračeńnia na terytoryi Biełarusi tavar, składzieny administracyjny pratakoł pa č. 2 art. 16.10 KaAP Respubliki Biełaruś. Sud Kastryčnickaha rajona h. Minska vynies rašeńnie ab nakładańni štrafu na minčuka ŭ pamiery 20 bazavych vieličyń i kanfiskacyi tytuniovaha vyrabu.
