Pasoł Biełarusi ŭ Rasii Uładzimir Siamaška kanstatuje skaračeńnie admoŭnaha salda ŭ handli z Rasijaj. Adpaviednyja ličby, jakija paćviardžajuć hetu tendencyju, jon pryvioŭ siońnia ŭ hutarcy z žurnalistami, pieradaje BIEŁTA.
Pasoł nahadaŭ, što ŭ Biełarusi ŭ minułym hodzie admoŭnaje salda ŭ handli z Rasijaj skłała $9,7 młrd. «Heta vialikija ličby, prykładna 15 pracentaŭ VUP», - adznačyŭ jon. Adnak za 9 miesiacaŭ biahučaha hoda salda ŭ biełaruska-rasijskim handli skłała minus $5,9 młrd. Za 9 miesiacaŭ minułaha hoda heta ličba składała minus $7,1 młrd. «Heta značyć, na $1,2 młrd my skaracili admoŭny bałans», - padkreśliŭ Uładzimir Siamaška. Pry hetym jon adznačyŭ, što vyniki handlu za 10 miesiacaŭ biahučaha hoda pakazvajuć jašče niekatoraje źmianšeńnie admoŭnaha salda.
Adnačasova, dadaŭ Uładzimir Siamaška, tempy rostu biełaruskaha ekspartu ŭ Rasiju skłali 103,7 pracenta. «Vyšej, čym pa inšych krainach», - zaŭvažyŭ jon.
«Tamu sami acanicie: ekspart vyras, a admoŭnaje salda źmienšyłasia», - reziumavaŭ Uładzimir Siamaška.