Ministerstva infarmacyi Biełarusi abnaviła respublikanski śpis ekstremisckich materyjałaŭ.
Za miesiac u im dadalisia dva novyja punkty.
Pa-pieršaje, sud Centralnaha rajona Minska pryznaŭ ekstremisckim film «Łukašenka. Kryminalnyja materyjały» ad błohiera Niechta.
Pa-druhoje, zabaronienym staŭ nabor nacysckich karcinak z supołki «Ukantakcie» GOOD NIGHT LEFT SIDE.
Z apisańnia zrazumieła, što heta supołka prarasijskich nieanacystaŭ. Naprykład, ekstremisckimi pryznanyja vyjava nacysckaj simvoliki z nadpisam «Ruś», vyjava słavianskaj dziaŭčyny z nacysckaj simvolikaj, karcinki pra kaŭkazcaŭ i pradstaŭnikoŭ siarednieazijackich nacyj.
Narešcie, jość navat vyjava Santa-Kłausa sa svastykaj, jaki dušyć čałavieka ź niesłavianskaj źniešnaściu. Karcinku supravadžaje podpis «tabie padarunkaŭ nie budzie!!!».