Ab hetym kiraŭnik dziaržavy zajaviŭ na sustrečy sa studentami i vykładčykami miedycynskich univiersitetaŭ, pieradaje BIEŁTA.
Kiraŭnik dziaržavy nahadaŭ, što ŭ svoj čas u Biełarusi było pryniata šmat mier, u tym liku i dastatkova žorstkich, dla procidziejańnia raspaŭsiudu narkotykaŭ. I heta dało stanoŭčy efiekt — kolkaść złačynstvaŭ u narkaśfiery značna skaraciłasia. «Ludzi pačali bajacca. Ale ź inšaha boku, ja ž razumieju: my tranzitnaja dziaržava. Sintetyčnyja narkotyki nam viazuć u asnoŭnym praz Polšču, Litvu z Zachodniaj Jeŭropy. Siamu-tamu i nas tut užo vučyli, ale ŭ nas heta niebiaśpiečna. U asnoŭnym heta zavozicca, — skazaŭ jon. — Nam vielmi ciažka zmahacca z hetym, asabliva kali ŭ internet zajšoŭ — i jany isnujuć adkryta».
Adnak u pravaprymianialnaj praktycy treba dakładna padzialać pakarańnie. «Adna sprava vyrablać, inšaja sprava — raspaŭsiudžvać, a treciaje — užyvać, - adznačyŭ Alaksandr Łukašenka. — Napeŭna, my niedaacanili toje, što ŭžyvańnie narkotykaŭ — heta chvaroba. Chvaroba škodnaja, horš, čym pić, kuryć. I z hetym strašnym złom treba zmahacca, i my zmahajemsia i pryniali žorstkija rašeńni. Maci treba było tady turbavacca za svaich dziaciej».
«Ź inšaha boku, pahladzieŭšy na dziejańnie našych zakonaŭ, na ich žorstkaść, my bačym, što dzieści, napeŭna, možna adstupić z tymi, chto patrapiŭ u hetuju biadu ŭ płanie ŭžyvańnia narkotykaŭ», - udakładniŭ jon.
Jon daŭ daručeńnie, kab na razhlad kiraŭnika dziaržavy ŭnieśli prapanovu ab pamiłavańni asobnych asudžanych pa art.328 KK.
