kremlin.ru
Byłomu prezidentu Kyrhyzstana Ałmaźbieku Atambajevu aficyjna pradjaŭlena abvinavačańnie ŭ zabojstvie načalnika słužby śpiecnaza Usena Nijaźbiekava, paviedamiŭ kiraŭnik MUS Kaškar Džunušalijeŭ, piša Radyjo Svaboda.
Pavodle jaho słoŭ, streł, ad jakoha zahinuŭ Nijaźbiekaŭ 7 žniŭnia padčas šturmu doma Atambajeva ŭ vioscy Koj-Taš, byŭ zrobleny sa snajpierskaj vintoŭki, aformlenaj asabista na Atambajeva. Nijaźbiekaŭ atrymaŭ kulavoje ranieńnie ŭ hrudzi i zahinuŭ.
Były prezident Kyrhyzstana, pa słovach jaho advakata, źjaŭlajecca fihurantam 14 kryminalnych spraŭ. Akramia zabojstva śpiecnazaŭca jaho vinavaciać u arhanizacyi biesparadkaŭ, pahrozach pradstaŭnikam ułady, niezakonnym abarocie zbroi, u pieraškodzie śledstvu, zachopu zakładnikaŭ, u zamachu na zabojstva, a taksama ŭ niekalkich epizodach karupcyi, u pryvatnaści niezakonnym nabyćci ziamielnych učastkaŭ u Koj-Tašy, dzie Atambajeŭ pabudavaŭ sabie rezidencyju
