Milicyjaniery dapamahli mahiloŭcy viarnuć zhubleny fotaaparat. Žančyna hulała ź dziciem u parku i zabyłasia darahi fotaaparat na łaŭcy. Uspomniŭšy pra jaho tolki praz dva dni, jana adrazu ž dała abjavu, paprasiŭšy viarnuć techniku za ŭznaharodžańnie, piša mogilevnews.by.

Praź niekatory čas na mabilny telefon žančyny patelefanavali. Mužčyna paviedamiŭ, što znajšoŭ fotaaparat, adnak addaść tolki pry ŭmovie, što ŭładalnica zapłacić jamu 100 rubloŭ. Mahiloŭka pasprabavała źbić sumu ŭznaharody ŭdvaja. Ale mužčyna byŭ kateharyčny i zajaviŭ, što ŭ advarotnym vypadku moža zanieści fotaaparat u łambard, atrymaŭšy tam nieabchodnuju jamu sumu. Straciŭšy nadzieju damovicca, žančyna nabrała numar «102».

Kali mahiloŭka pryjšła na sustreču da mužčyny, pobač ź joj byli i milicyjaniery.

Pravaachoŭniki nie tolki zabrali fotaaparat, jaki nie naležaŭ mužčynie, ale i rastłumačyli tonkuju miažu pamiž čakańniem uznaharodžańnia i vymahalnictvam hrošaj.

Клас
Панылы сорам
Ха-ха
Ого
Сумна
Абуральна