Padazravanuju ŭ datyčnaści da zabojstva žurnalista Paŭła Šaramieta Janu Duhar adpravili pad kruhłasutačny chatni aryšt, paviedamlaje Ukrajinśka pravda.
Duhar abaviazanaja prybyvać da prakurora i sudu pa pieršym patrabavańni, ustrymacca ad znosin z padazravanymi i śviedkami, zdać na zachoŭvańnie ŭ orhany dziaržaŭnaj ułady svoj pašpart.
Śledstva ličyć, što Duhar nibyta fatahrafavała videakamiery kala doma Šaramieta za niekalki dzion da zabojstva. Palicyja nazyvaje jaje «raźviedčycaj».
Advakaty dziaŭčyny nastojvali na tym, što z 16 červienia da 13 lipienia 2019 hoda Duhar nie było va Ukrainie, ab čym śviedčać mietki ŭ jaje zamiežnym pašparcie i avijabilety. Pa słovach advakata, śledčyja dla fotaekśpiertyzy vykarystoŭvali fota nibyta Duhar, jakoje zrabili 11 lipienia 2019 hoda, ale ŭ hety čas jaje nie mahli zafiksavać va Ukrainie.
Taksama, advakaty zajavili, što z 03.06.16 pa 26.09.16 hoda jana znachodziłasia na terytoryi vajskovaj čaści vajskovaha špitala.
Duhar zatrymali 12 śniežnia ŭ Lvovie i pryvieźli ŭ Kijeŭ. Pa słovach jaje advakata, dziaŭčyna načavała ŭ mašynie z tryma śledčymi. Sama Duhar ad kamientaroŭ ustrymałasia.
Duhar — 26-hadovaja ŭdzielnica bajavych dziejańniaŭ na ŭschodzie Ukrainy z Dnieprapiatroŭskaj vobłaści.
Na froncie była miedsiastroj parašutna-desantnaha bataljona.
Za ŭdzieł u bajavych dziejańniach Duhar atrymała niekalki ŭznaharod, siarod jakich «Za mužnaść» III stupieni i miedal «Za abaronu Aŭdziejeŭki».