Kitajskaja dziaržaŭnaja enerhietyčnaja kampanija Power China i jaje daččynaje pradpryjemstva North China Power Engineering (NCPE) buduć dapamahać Biełarusi pradavać elektraenerhiju ź Biełaruskaj AES (BiełAES), paviedamlaje sajt litoŭskaj televizii LRT, źviartaje ŭvahu Radyjo Svaboda.

BiełAES. Fota: Nadziei Bužan.

BiełAES. Fota: Nadziei Bužan.

Adździeł raśśledavańniaŭ hramadzkaj litoŭskaj televizii vyjaviŭ, što North China Power Engineering (NCPE) realizuje tak zvany prajekt prodažu biełaruskaj elektraenerhii i złučeńnia sietak, jaki ŭklučaje ŭ siabie 23 prajekty. Pad hety prajekt sietak BiełAES Biełaruś atrymała kredyt u Eksimbanka Kitaja. Biełarusi pradastaŭlena 5 młrd dalaraŭ.

NCPE ŭ 2013 hodzie nabyło adno z najbujniejšych u Litvie pradpryjemstvaŭ pa prajektavańni elektraenerhietyčnych abjektaŭ — Instytut enerhasietak, jaki znachodzicca ŭ Koŭna. Kitajcam naležyć kantrolny pakiet akcyj, a ŭ praŭleńnie pradpryjemstva ŭvachodziać tolki hramadzianie Kitaja.

Pres-sakratarka Ministerstva finansaŭ Iryna Komar skazała karespandentu Svabody, što ŭ ministerstvie «takoj infarmacyi niama» i paraiła źviarnucca ŭ ministerstva enerhietyki.

«Mahčyma, heta niejkija mižviedamasnyja damovy. Ale toje, što heta krainavy kredyt i što padpisvała Ministerstva finansaŭ — takoj infarmacyi ŭ nas niama».

U Ministerstvie enerhietyki Biełarusi skazali, što nia majuć źviestak pra kredyt u 5 miljardaŭ pad 23 prajekty pa prodažu biełaruskaj elektraenerhii i złučeńnia sietak. Maŭlaŭ, z hetym pytańniem treba źviartacca da pieršakrynicy infarmacyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?