ZŠA tajemna vysłali dvuch supracoŭnikaŭ pasolstva Kitaja paśla zatrymańnia na terytoryi vajennaj bazy ŭ Virdžynii, paviedamlaje The New York Times.
Vysyłka kitajskich dypłamataŭ, jakija padazrajucca ŭ špijanažy, stała pieršaj za apošnija 30 hadoŭ.
Amierykanskija čynoŭniki ličać, što sama mieniej adzin z kitajskich dypłamataŭ byŭ supracoŭnikam raźviedki, što pracavaŭ pad dypłamatyčnym prykryćciom.
Incydent z praniknieńniem adbyŭsia ŭ kancy vieraśnia na bazie sił śpiecyjalnych apieracyj kala Norfałka, štat Virdžynija.
Kitajskija dypłamaty razam z žonkami padjechali da kantrolna-prapusknoha punkta dla ŭjezdu na terytoryju bazy. Achoŭnik, razumiejučy, što ŭ ich niama dazvołu na ŭjezd, zahadaŭ im prajechać praz varoty, paviarnucca i vyjechać z terytoryi bazy, što źjaŭlajecca zvyčajnaj praceduraj ŭ takich vypadkach.
Ale kitajskija čynoŭniki praciahnuli ruch pa terytoryi, pakul pažarnyja mašyny nie pieraharadzili im šlach. Supracoŭniki pasolstva Kitaja patłumačyli, što jany nie zrazumieli instrukcyj achoŭnika i prosta zabłukali.
U toj ža čas amierykanskija čynoŭniki sumniavajucca, što kitajcy ździejśnili niavinnuju pamyłku.
