16 śniežnia ŭ Šanchai pamiž Respublikaj Biełaruś (u asobie Ministerstva finansaŭ) i Šanchajskim filijałam Banka raźvićcia Kitaja padpisana Pahadnieńnie ab pradastaŭleńni terminovaha kredytu na 3,5 młrd. kitajskich juaniaŭ (kala 500 młn dalaraŭ).
Ad imia Biełarusi pahadnieńnie padpisaŭ ministr finansaŭ Maksim Jermałovič.
Kredyt nie źviazany z realizacyjaj jakoha-niebudź prajekta i moža być nakiravany na ahulnyja mety, u tym liku: na pahašeńnie i absłuhoŭvańnie dziaržaŭnaha doŭhu, padtrymańnie zołatavalutnych reziervaŭ, a taksama sadziejničańnie raźvićciu dvuchbakovaha handlu pamiž Biełaruśsiu i Kitajem.
Biesprecedentnaść hetaj uhody śviedčyć ab novym uzroŭni adnosin Biełarusi i Banka raźvićcia Kitaja, pavyšeńni davieru kitajskich finansavych instytutaŭ da Respubliki Biełaruś jak nadziejnaha pazyčalnika, padkreślivajecca ŭ paviedamleńni Minfina.
