sb.by

sb.by

13 śniežnia stała viadoma, što hałoŭny režysior Nacyjanalnaha teatra opiery i baleta Michaił Pandžavidze budzie zvolnieny za prahuły. U intervju TUT.BY hiendyrektar Opiernaha Alaksandr Piatrovič patłumačyŭ pazicyju teatra ŭ hetym pytańni.

Hałoŭny režysior Opiernaha Michaił Pandžavidze zvolnieny. Aficyjna — za prahuły

— U vas była vusnaja damoŭlenaść z Pandžavidze pra jaho adsutnaść na pracy? — spytaŭsia TUT.BY ŭ Alaksandra Piatroviča.

— Kaniešnie nie. Jon pryjšoŭ da mianie i skazaŭ: «Ja chvareju». Na što ja jamu adkazaŭ: «Dobra, chvarejcie». Paźniej jon sam mnie patelefanavaŭ pa niejkich pytańniach. «Vy vielmi doŭha adsutničajecie. Treba niejkija aficyjnyja dakumienty dać», — skazaŭ ja jamu. «Dobra, ja dam», — adkazaŭ mnie Pandžavidze.

Pradstaviŭ spačatku adzin balničny list. A zatym druhi, jaki i vyklikaŭ u nas sumnievy ŭ jaho sapraŭdnaści. My zapytali [infarmacyju] ŭ miedycynskaj ustanovie, jakaja vydała hety list. Nam aficyjna adkazali, što balničnaha Pandžavidze nie vydavali i nie rehistravali. Na padstavie hetaha dakumienta my pryniali rašeńnie, što heta prahuły. Hałoŭny režysior byŭ zvolnieny za ich.

Akramia taho, naš teatr i miedycynskaja ŭstanova nakiravali list u UUS Centralnaha rajona z prośbaj dać pravavuju acenku dziejańniam spadara Pandžavidze, jaki pradastaviŭ fiktyŭny dakumient.

— U piatnicu pres-słužba teatra paviedamiła TUT.BY, što «Michaił Alaksandravič Pandžavidze znachodzicca na balničnym, ale zahad ab jahonym zvalnieńni za prahuły pa artykule Pracoŭnaha kodeksa padpisany».

— Nie maju infarmacyi, ci znachodzicca jon na balničnym. Kali heta tak, jaho zvalnieńnie praciahniecca na termin dziejańnia jaho balničnaha. Usio ŭ ramkach dziejučaha zakanadaŭstva.

— Z ulikam taho, što Pandžavidze sychodzić, vy płanujecie šukać inšaha hałoŭnaha režysiora ci hetaja pasada pakul budzie vakantnaj?

- Na siońniašni dzień mahu tolki skazać, što ŭ nas abjaŭleny konkurs pa hałoŭnym dyryžory (pasada zastajecca vakantnaj paśla sychodu Viktara Płaskiny). Mahčyma, konkurs budzie abvieščany pa hałoŭnym režysiory. Ale ja pakul nie hatovy adkazać na hetaje pytańnie. U lubym vypadku, režysior [farmalna] na miescy. Kali jon sydzie, budziem prymać rašeńnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?