Alaksandr Łukašenka padpisaŭ zakon, jakim uniesieny źmianieńni ŭ zakon «Ab pravavym stanoviščy zamiežnych hramadzian i asob biez hramadzianstva ŭ Respublicy Biełaruś». Raniej adpaviedny dakumient byŭ pryniaty Pałataj pradstaŭnikoŭ i ŭchvaleny Savietam Respubliki, piša BiełTA
Zakon u tym liku praduhledžvaje pavieličeńnie z 5 da 10 sutak terminu, na praciahu jakoha zamiežnikaŭ, jakija prybyli ŭ Biełaruś, abaviazany zarehistravacca pa miescy faktyčnaha časovaha znachodžańnia. Takoje rašeńnie pryniata dla raźvićcia turystyčnaj i inviestycyjnaj pryvabnaści krainy, spraščeńnia dziełavych i pryvatnych kantaktaŭ.
U cełym dakumient nakiravany na ŭdaskanaleńnie šeraha pravavych norm. U metach zabieśpiačeńnia maksimalnaj abarony intaresaŭ hramadstva i dziaržavy ad pahroz roznaha charaktaru karekcirujucca padstavy admovy inšaziemcu ŭ vydačy vizy dla ŭjezdu ŭ Biełaruś abo va ŭjeździe ŭ krainu. Adnačasova vyznačajecca miechanizm atrymańnia inšaziemcami i ich pradstaŭnikami infarmacyi ab uklučeńni ŭ śpis asob, ujezd jakich u Biełaruś zabaronieny abo niepažadany.
