Pra heta viadomy televiadučy zajaviŭ u Minsku na tvorčym viečary, piša kp.by.
«Niadaŭna vaš prezident sustrakaŭsia z prezidentam Rasii i abmiarkoŭvaŭ pytańni Sajuznaj dziaržavy. Było skazana šmat słoŭ, ale ničoha kankretnaha. Mianie pytajuć: ci budzie ciapierašniaja Sajuznaja dziaržava? Ja viedaju tolki adno: narmalnaja kraina zaŭsiody choča być niezaležnaj (u zale pačulisia apładysmienty). Byvaje tak, što krainie pahražajuć, i jana prosicca pad kryło siabroŭskaj dziaržavy — takija vypadki ŭ historyi byli. Ale ŭ vypadku ź Biełaruśsiu i Rasijaj mnie zdajecca, heta prosta palityčnaja hulnia. Choć ja za narmalnyja ŭzajemavyhadnyja adnosiny pamiž Rasijaj i Biełaruśsiu. Pamiataju, jak Alaksandr Łukašenka, kali Barys Jelcyn byŭ užo ŭ nie vielmi dobrym stanie, imknuŭsia stać nastupnym prezidentam abjadnanaj krainy … Hetaha nie zdaryłasia. Kali b ja byŭ relihijnym čałaviekam, to skazaŭ by: i dziakuj Bohu!», — skazaŭ Poźnier.
