35-hadovy žychar Ukrainy pieralez praź sihnalizacyjny kompleks i vyjšaŭ da bieraha Buha ŭ rajonie Bresckaj krepaści. Ale nie navažyŭsia uvajści ŭ raku, tamu vyrašyŭ viarnucca i paŭtaryć sprobu paźniej, u vyniku jon byŭ zatrymany bresckimi pamiežnikami, paviedamlaje gpk.gov.by.
Parušalnik pasprabavaŭ pierakanać vajskoŭcaŭ, što metaj jaho prahułki była rybałka. Tym nie mienš, zapis z kamiery videanazirańnia i vyjaŭlenaja ŭ mužčyny karta prylehłych da miažy rajonaŭ Polščy śviedčać pra jaho sapraŭdnyja namiery.
U ciapierašni čas zamiežnik znachodzicca ŭ izalatary. U dačynieńni da jaho raspačaty administracyjny praces za sprobu niezakonnaha pierasiačeńnia dziaržaŭnaj miažy i parušeńnie pahraničnaha režymu. Zatrymanaha čakaje departacyja z zabaronaj ujezdu ŭ Biełaruś da 5 hadoŭ.
