U vyniku skaardynavanych dziejańniaŭ Hałoŭnaha ŭpraŭleńnia pa narkakantroli i procidziejańni handlu ludźmi kryminalnaj milicyi MUS Biełarusi i Hałoŭnaha ŭpraŭleńnia pa kantrolu za abarotam narkotykaŭ MUS Rasijskaj Fiederacyi spyniena supraćpraŭnaja dziejnaść mižnarodnaj narkahrupiroŭki, jakaja praciahły čas śpiecyjalizavałasia na vytvorčaści i zbycie narkatyčnaha srodku mietadon u bujnym pamiery. Jaje arhanizataram i aktyŭnym udzielnikam źjaŭlałasia pradstaŭnik narodnaści roma, žychar Mahilova, jaki ŭ Padmaskoŭi nabyŭ pryvatny dom i śpiecyjalna abstalavaŭ jaho pad łabaratoryju dla vyrabu narkotyku, paviedamlaje pres-słužba MUS
U vyniku zaklučnaha etapu mižnarodnaj apieracyi ŭ Maskoŭskaj vobłaści z dokazami złačynstva zatrymany arhanizatar i supolnik złačynnaj hrupy. Ź niezakonnaha abarotu kanfiskavana bolš za 14 kiłahramaŭ narkatyčnaha srodku mietadon, zvyš 100 kiłahram chimičnych rečyvaŭ i prekursoraŭ, a taksama łabaratornaje abstalavańnie. Košt kanfiskavanaha narkotyku pa cenach čornaha rynku składaje bolš za paŭtary miljonaŭ dalaraŭ ZŠA.
U dačynieńni da zatrymanych raspačata kryminalnaja sprava pa prykmietach złačynstvy, praduhledžanaha č.4 art.228.1 KK Rasii. Maksimalnaje pakarańnie pa hetym artykule - pazbaŭleńnie voli na termin da 20 hadoŭ.
