Rasijski bok maje namier prytrymlivacca pakietnaha pryncypu pry abmierkavańni i realizacyi darožnych kart pa intehracyi, u tym liku pa dostupie biełaruskich tavaraŭ na rasijski rynak i farmiravańnia cany na haz dla Biełarusi z 2020 hoda, zajaviŭ žurnalistam u aŭtorak u Miensku pasoł RF u Biełarusi Dźmitryj Mieziencaŭ, paviedamlaje interfax.by.
«Pazicyja (rasijskaha boku) adzinaja. Ilhotny režym pry realizacyi ŭsiaho pakieta darožnych kart, padkreślivaju ŭsiaho pakieta darožnych kart, pavinien być adnolkavy dla rasijskaha i biełaruskaha vytvorcy», - skazaŭ Mieziencaŭ paśla sustrečy z kiraŭnictvam Minskaha aŭtazavoda.
Pavodle jaho słoŭ, «heta ŭzajemaŭviazanyja padychody, u tym liku i na asnovie ŭnifikacyi abo zbližeńnia nacyjanalnaha zakanadaŭstva, u tym liku toj narmatyŭnaj bazy, biez abjadnańnia padychodaŭ u ramkach udaskanaleńnia jakoj niemahčyma kazać pra adziny lhotny režym».
