U parłamienckim kłubie sustrelisia deputaty novaha sklikańnia Nacyjanalnaha schodu Respubliki Biełaruś. U pasiadžeńni ŭziali ŭdzieł Hienadź Davydźka, Aksana Hajduk, Aleh Hajdukievič, Tenhiz Dumbadze, Valeryj Varaniecki, Hanna Staravojtava, a taksama člen Savieta Respubliki Taćciana Runiec, paviedamlaje Minsk-Naviny.
Adnu z tem razmovy paznačyŭ hienieralny dyrektar ahienctva «Minsk-Naviny» Juryj Kazijatka:
— Viadoma, što niadaŭnija pieramovy prezidentaŭ u Sočy zblizili pazicyi dziaržaŭ, ale kančatkovyja damoŭlenaści jašče nie dasiahnuty. Nastupnaja sustreča na vyšejšym uzroŭni adbudziecca 20 śniežnia ŭ Sankt-Pieciarburhu. Dyk što ž budzie? I čamu hramadzian tak uschvalavała tema intehracyi?
Hienadź Davydźka adkazaŭ:
— Viedajecie, ja nie adčuŭ, što hetaja tema tak užo ŭschvalavała hramadzian. Va ŭzbudžeńnie pryjšła tolki peŭnaja hrupa palityzavanych ludziej. Jany suprać intehracyi? Ale ž usie vydatna viedajuć ekanamičnyja zakony: dla taho, kab dziaržava była samadastatkovaj i narmalna raźvivałasia, joj patrebien dosyć šyroki ekanamičny rynak. Nazavicie mnie paśpiachovuju krainu, jakaja nie intehravana ŭ svajoj ekanamičnaj palitycy. Niezaležnaść? Ale chiba my nie možam svabodna pierasoŭvacca praź miežy, šukać pracu tam, dzie pažadajem? Jakaja jašče stupień svabody patrebna? Nam kivajuć na Litvu, Łatviju, Estoniju…
Na moj pohlad, heta całkam zaležnyja ekanamična i palityčna niesamastojnyja dziaržavy. Iści pa ich šlachu? Biełaruś samadastatkovaja. Dumaju, što Rasijskaja Fiederacyja całkam moža prademanstravać svaju palityčnuju volu, kab jaje dośvied adnosinaŭ ź Biełaruśsiu byŭ prykładam dla inšych i naš ahulny ekanamičny rynak pašyraŭsia. Pierakanany, što ŭ hetym pracesie intaresy palityčnyja pavinny stajać vyšej za intaresy działkoŭ, jakija razvažajuć vyklučna pra svaje kapitały. Prytrymlivańnie palityčnym intaresam urešcie rešt pryvodzić da vyjhryšu ekanamičnaha. Mnie śmiešna i sumna, kali niekatoryja srodki masavaj infarmacyi pradstaŭlajuć na pakaz publicy dziaŭčynku hadoŭ 7-8 z płakatam u rukach: «Nie — intehracyi!». Dzicia navošta vykarystoŭvać? Što hetaja dziaŭčynka razumieje ŭ takich pytańniach? I što vy sami razumiejecie? Treba złavić chajp, chočacca pabuzić, adznačycca na rastyražavanaj karcincy?
