Intelektualny stryt-art možna znajści na vulicach Hohala, Kamsamolskaj i Majakoŭskaha ŭ Breście, piša Briestskaja hazieta.
U centry Bresta na vulicach Hohala, Kamsamolskaj i Majakoŭskaha prapisalisia vieršy Maksima Bahdanoviča, Hienadzia Buraŭkina i Niny Maciaš.
Takija murały ŭ Breście źjaviłasia dziakujučy vučniu himnazii №1 Dzianisu Rabčuku, jaki prydumaŭ vałanciorskuju inicyjatyvu #vershybrest i padaŭ svaju ideju na konkurs u ramkach Škoły prajektnaha mieniedžara, jakaja pravodzicca Ahienctvam rehijanalnaha raźvićcia «Dziedzič».
«Ideja źjaviłasia niečakana, padčas prahułki u Lvovie, dzie ŭžo jość padobnyja murały. Tady ja padumaŭ i vyrašyŭ: «Treba dziejničać». Ja napisaŭ nievialiki prajekt #vershybrest, padaŭ jaho na konkurs u ramkach «Škoły prajektnaha mieniedžara» i pieramoh u im. Atrymaŭ finansavańnie na malavańnie troch vieršaŭ», — raspaviadaje Dzianis Rabčuk.
Akcyja atrymała padtrymku haradskich uładaŭ.
