Hamialčanka ŭ niećviarozym stanie viezła ŭ aŭto dzicia, paviedamlaje milicyja.
U dziažurnuju čaść UUS Homielskaha abłvykankama 12 śniežnia kala 21.00 pastupiła infarmacyja ab tym, što ŭ napramku Homiela ruchajecca «Reno», kiroŭca jakoha, imavierna, pjany.
Narad zaŭvažyŭ mašynu pad kiravańniem 25-hadovaj hamialčanki. Na piarednim siadzieńni znachodziłasia adnahadovaje dzicia. Paśla dziaŭčyna raspaviała, što doma vypiła piva i pajechała zabirać siabroŭ. Dzicia pakinuć nie było z kim, i jana ŭziała jaho z saboj.
Kancentracyja paroŭ etyłavaha śpirtu ŭ vydychanym pavietry pieravysiła 2 pramile.
Skłali administracyjny pratakoł za jazdu ŭ niećviarozym stanie. Mašynu adpravili na stajanku.
0
0
0
0
0
0
