17 śniežnia 2019 h. u Vatykanie admianili «papskuju tajamnicu» ŭ spravach, źviazanych ź piedafilijaj, paviedamlaje Vatican News.
Dakumientam ad 4 śniežnia 2019 h. pantyfik pryniaŭ rašeńnie ab admienie «papskaj tajamnicy» adnosna zajaŭ, sudovych pracesaŭ i rašeńniaŭ, jakija tyčycca złačynstvaŭ, zhadanych u pieršym artykule Apostalskaha lista «Vos estis lux mundi» ad 9 maja 2019 h. Havorka idzie pra vypadki nasilla i ŭčynkaŭ sieksualnaha charaktaru, ździejśnienych pad pahrozaj ci sa złoŭžyvańniem uładaj; złoŭžyvańniaŭ u adnosinach da niepaŭnaletnich i ŭraźlivych asob; dziciačaj parnahrafii; niepaviedamleńnia ab nasilli abo ŭtojvańnia ŭzhadanych vypadkaŭ biskupami ci hienieralnymi nastajacielami manaskich supolnaściej.
U novaj instrukcyi ŭdakładniajecca, što abnarodavańnie infarmacyi pavinna harantavać biaśpieku, cełasnaść i kanfidencyjnaść, jak praduhledžvaje Kodeks kananičnaha prava adnosna abarony dobraha imia, reputacyi i asabistaj śfiery ŭciahnutych ludziej.
