Zdareńnie adbyłosia 15 śniežnia na maršrucie №8, paviedamlaje pres-słužba milicyi.

Paśla adpraŭleńnia ad prypynku «vuł. Astroŭskaha» ŭ piensijaniera z adzieńnia vypaŭ abrez. Zreahavali dvoje spadarožnikaŭ: mužčyna padabraŭ zbroju, a niepaŭnahadovy chłopiec patelefanavaŭ u milicyju.

Usie jany vyjšli na nastupnym prypynku. Pasažyr z abrezam nakiravaŭsia ŭ dvary (paźniej vyśvietliłasia, kab pieradać znachodku pravaachoŭnikam), a piensijanier i padletak pajšli za im. Pry hetym junak zastavaŭsia na telefonnaj suviazi ź dziažurnym milicyjantam i paviedamlaŭ pra pieramiaščeńni.

U vyniku abrez byŭ pieradadzieny naradu Departamientu achovy MUS. Pry čym piensijanier užo jechaŭ dadomu, nie žadajučy ŭdzielničać u razhladzie.

Praź niekalki hadzin supracoŭniki kryminalnaha vyšuku jaho znajšli. Zrabić heta apieratyŭna dapamoh mabilny telefon, jaki syščyki znajšli pry ahladzie sałona aŭtobusa.

Uładalnikam zbroi akazaŭsia 74-hadovy mužčyna. Ź jaho słoŭ, jon nabyŭ abrez kala 30 hadoŭ tamu na haradskim rynku ŭ nieznajomca. Kuplu ŭvieś čas zachoŭvaŭ u vioscy, dzie pieryjadyčna vykarystoŭvaŭ dla palavańnia. Zaraz vyrašyŭ pieravieźci ŭ kvateru.

U sielskim domie mahiloŭca taksama byli znojdzienyja patrony i porach.

Milicyja pravodzić pravierku, abrez strelby nakiravany na ekśpiertyzu. Ad jaje vynikaŭ šmat u čym budzie zaležać, da jakoj adkaznaści budzie pryciahnuty piensijanier.

Клас
0
Панылы сорам
0
Ха-ха
0
Ого
0
Сумна
0
Абуральна
0