Biełaruski bok vitaŭ by bolš aktyŭnuju rolu ZŠA ŭ Biełarusi. Pra heta ministr zamiežnych spraŭ Biełarusi Uładzimir Makiej zajaviŭ siońnia na sumiesnym bryfinhu z amierykanskim kaleham Majkłam Pampiea paśla sustrečy ŭ Alaksandra Łukašenki, pieradaje BiełTA.
«My vitali b bolš aktyŭnuju rolu ZŠA ŭ Biełarusi, zychodziačy z toj roli i značeńnia, jakija majuć ZŠA na suśvietnaj arenie», — zajaviŭ ministr.
Pavodle jaho słoŭ, u pryvatnaści, Biełaruś zacikaŭlena ŭ bolš aktyŭnym prychodzie ŭ krainu amierykanskaha biznesu i pa šerahu inšych napramkaŭ.
Jon padkreśliŭ, što pierad bakami staić vielmi šmat ahulnych vyklikaŭ i pahroz, ź jakimi nieabchodna zmahacca razam i jakija mahčyma pieramahčy tolki sumiesnymi namahańniami.
«My ličym, što navat niahledziačy na niejkija isnujučyja roznahałośsi pamiž našymi krainami, jość šerah śfier, dzie my majem ahulny intares i možam supracoŭničać bolš efiektyŭna», — dadaŭ Uładzimir Makiej.
