Kadr ź filma

Kadr ź filma

Brytanskaja kinaakademija BAFTA nazvała najlepšym filmam dramu «1917» ab Pieršaj suśvietnaj vajnie režysiora Sema Miendesa. Ab hetym paviedamlajecca na sajcie BAFTA, piša RBK.

Film byŭ naminavany ŭ dzieviaci katehoryjach i atrymaŭ taksama ŭznaharody za najlepšy huk, najlepšuju apieratarskuju pracu, najlepšyja vizualnyja efiekty, najlepšuju pracu mastaka-pastanoŭščyka. «1917» taksama ŭznaharodzili jak «vybitny brytanski film».

Akramia taho, Miendes uziaŭ premiju ŭ naminacyi «najlepšy režysior». Siarod jaho prac filmy «Amierykanskaja pryhažość» (sabraŭ piać premij «Oskar», u tym liku jak najlepšy film i za najlepšuju režysuru), «Daroha pieramien» i inšyja.

U asnovie siužetu «1917» historyja pra dvuch sałdatach, jakim u razhar Pieršaj suśvietnaj vajny daručyli vyratavać žyćci niekalkich tysiač vajskoŭcaŭ.

Heta nie pieršaja ŭznaharoda, jakuju atrymaŭ film «1917». Akramia taho, film Miendesa sabraŭ dziesiać naminacyj na premiju «Oskar», uručeńnie jakoj projdzie ŭžo ŭ nastupnuju niadzielu.

Najlepšymi akcioram i aktrysaj, pa viersii BAFTA, stali Chaakin Fieniks («Džokier») i Rene Ziełviehier (vykanała rolu Džudzi Harlend u filmie «Džudzi»).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?