Na šerahu rehijanalnych zapravak «Łukojła» ŭviedzieny limity na kuplu paliva. Pra heta paviedamili karystalniki Tut.by i paćvierdzili na niekatorych AZS.
Fota Nadziei Bužan.
Na AZS № 21 «Łukojła» ŭ Breście karespandentu Tut.by skazali, što ŭviedzienaje abmiežavańnie na kuplu dyzielu da 100 litraŭ u adny ruki. Limit datyčycca ŭsiaho transpartu — i lehkavoha, i hruzavoha. «Prablemy z palivam, jaho nie chapaje na ŭsie zapraŭki», — rastłumačyli na AZS.
Anałahičnuju infarmacyju paviedamili i na AZS № 22 «Łukojła» ŭ Breście, a taksama na zapraŭcy № 17 u Baranavičach.
Na zapraŭkach «Łukojła» u Minsku, Babrujsku, Hrodnie, Salihorsku i Viciebsku infarmacyju pra abmiežavańni abvierhli.
Pavodle niepaćvierdžanaj infarmacyi, biełaruskim sietkam AZS, jakimi vałodajuć rasijskija naftavyja kampanii, admaŭlajuć u pastaŭkach naftapraduktaŭ z NPZ u Mazyry i Navapołacku.
U «Biełnaftachimie» nie zmahli apieratyŭna paćvierdzić abo abvierhnuć infarmacyju pra abmiežavańni pa pastaŭkach naftapraduktaŭ.
