Zapraŭki «Łukojł» uviali abmiežavańni na vodpusk paliva spažyŭcam. U kancernie «Biełnaftachim» nazvali heta samaŭpraŭstvam, blizkim da pravakacyi, piša interfax.by.
«Uviadzieńnie limitaŭ pa kolkaści paliva na šerahu AZS Łukojła pa sutnaści samaŭpraŭstva i znachodzicca na miažy pravakacyi. Ni na ŭzroŭni ŭrada, ni «Biełnaftachima» takich rašeńniaŭ nie prymałasia. Na biełaruskich AZS paliva adpuskajecca biez abmiežavańniaŭ, pierabojaŭ z zabieśpiačeńniem niama», — zajaviŭ ahienctvu «Interfaks-Zachad» pres-sakratar kancerna Alaksandr Ciščanka.
Jon taksama padkreśliŭ, što ciapier «NPZ pracujuć u raniejšym režymie poŭnaha zadavalnieńnia patreb unutranaha rynku ŭ palivie».
Jak paviedamiŭ partał tut.by, šerah dziejučych u Biełarusi AZS «Łukojła» ŭviali limity na vodpusk paliva.
