Rasijski vytvorca płaŭlenaha syru «Karat» zajaviŭ, što pierajedzie ŭ Biełaruś i pieraniasie tudy častku vytvorčych mahutnaściaŭ u vypadku, kali letam hetaha hoda ŭ Rasii ŭskładnicca zakanadaŭstva, piša RBK.
Havorka idzie pra zakon pra abaviazkovuju markiroŭku małočnaj pradukcyi, jaki pavinien ustupić u siłu 1 červienia. Zhodna ź im, asobnyja vidy pradukcyi, siarod jakich płaŭlenyja syry, nieabchodna budzie markiravać štrych-kodam Data Matrix naroŭni z elektronnymi vieterynarnymi siertyfikatami ŭ miežach raspracavanaj Raśsielhasnahladam sistemy «Mierkuryj».
Pieršapačatkova kampanijam prapanoŭvałasia dać mahčymaść vybrać adzin z dvuch varyjantaŭ. Adnak paśla abodva jany stali abaviazkovymi dla naniasieńnia. Niekatoryja vytvorcy, u liku jakich «Karat», pakazvali na nieabchodnaść nieści dadatkovyja vydatki na markiroŭku, praź jakija źnizicca rentabielnaść.
Pa słovach kiraŭnika «Karata» Jaŭhiena Hrebnieva, pieranieści mohuć linii pa vytvorčaści tvarožnych syroŭ Violette. Madernizavać dziejučyja rasijskija mahutnaści pry hetym nie atrymajecca pa techničnych pryčynach.
