U treciaj častcy amierykanskaha bajevika «Džon Uik», jakaja vyjšła letaś i sabrała $330 młn u prakacie, rolu adnajmiennaha hieroja vykonvaje suśvietna viadomy akcior Kianu Ryŭz. U adnym z epizodaŭ jon pryznajecca, što pieršapačatkova jaho zvali Džardani Jovanavič, «ja dzicia Biełarusi». 

Fiestyval karotkamietražnaha kino VOKA Smartfilm, jaki adkryŭsia 6 lutaha i pradoŭžycca ažno da 16 krasavika, vyrašyŭ aryhinalna zaprasić suśvietnuju kinazorku ŭ Biełaruś, raz jon «dzicia Biełarusi»: arhanizatary źniali rolik pra toje, jak čakajuć i ŭzhadvajuć ziemlaka, hieroja Kianu Ryŭza, na radzimie, u biełaruskaj hłybincy.

Karotkamietražny film tłumačyć, što ŭ dziacinstvie Džon Uik žyŭ u biełaruskaj vioscy Padhorje i prydumlaŭ sabie roznyja imiony: «to Džardani, to Kanstancin, to Juta, to Abrany».

U videa taksama pakazali dom, u jakim naradziŭsia i vyras Džon Uik, žycharoŭ Padhorja, jakija jaho vychavali, i fotaalbom ź jaho dziciačymi fatahrafijami.

Arhanizatary zaklikajuć dzialicca žartoŭnym videa, kab zaprašeńnie dajšło da słavutaha kinaakciora, jon jaho pryniaŭ i pryjechaŭ u Biełaruś. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?