«Hramadskaja pałata sajuznaj dziaržavy» — hramadskaja arhanizacyja, jakuju stvaryŭ uradženiec rasijskaha Novasibirska Alaksandr Alšeŭski. Jon ža staŭ kiraŭnikom aparatu.

U «pałatu» ŭvajšli bolš za 200 asobaŭ, siarod jakich atlet Fomačkin, jaki pranios rasijski ściah na adkryćci Paralimpijady ŭ Rya, Andrej Hieraščanka, jakoha zvolnili ŭ Viciebsku z pracy za admaŭleńnie niezaležnaści Biełarusi, paet-słavianafił Anatol Aŭrucin, viadomy svaimi impierskimi pohladami Siarhiej Baburyn, akcior Uładzimir Haściuchin, dačka Piatra Mašerava Natalla, kasmanaŭty Klimuk i Navicki.

Nijakaj jurydyčnaj siły rašeńni «pałaty» nie mieli, heta byŭ kłub siabroŭ pa intaresach z hučnaj nazvaj.

Jak vyjaviłasia, ciapier u Alšeŭskaha źjavilisia novyja kłopaty. Puškinski rajonny sud Pieciarburha aryštavaŭ kiraŭnika «pałaty» pa spravie ab machlarstvie.

Alšeŭski atrymaŭ u eks-rektara pieciarburhskaha Ahrarnaha ŭniviersiteta $250 tysiač, kab toj zachavaŭ pa svajoj kryminalnaj spravie status śviedki, a nie staŭ abvinavačanym. U realnaści ni na što paŭpłyvać Alšeŭski nie moh. Kali eks-rektara pasadzili, toj napisaŭ zajavu na machlara.

Ciapier na kiraŭnika «pałaty» zaviali kryminalnuju spravu za machlarstva, ździejśnienaje ŭ bujnym pamiery. Jon zastaniecca pad vartaj.

Čytajcie:

Čarhiniec, Jarmolenka, Šabanovič: My navat nie bačyli zajavu ŭ padtrymku RPC, pad jakoj nibyta padpisalisia

Hramadskaja pałata Sajuznaj dziaržavy zaklikała biełaruskija ŭłady padtrymać «Viečiernij Mohilov»

Клас
0
Панылы сорам
0
Ха-ха
0
Ого
0
Сумна
0
Абуральна
0