RBK — Ukraina
Bolš za dziasiatak supracoŭnikaŭ Słužby biaśpieki Ukrainy (SBU) praviarajuć na suviaź z padazravanymi ŭ zabojstvie biełaruskaha žurnalista Paŭła Šaramieta. Pra heta «RBK-Ukraina» paviedamiŭ namieśnik ministra ŭnutranych spraŭ Anton Hieraščanka.
Pavodle jaho słoŭ, heta nie mahčymyja suviazi, a «całkam kankretnyja». «Heta bolš čym siabroŭskaja kamunikacyja daje śledstvu padstavy ličyć, što nieabchodna praviarać bolš za dziesiać supracoŭnikaŭ SBU na pradmiet ich sumiesnaj dziejnaści. Što ciapier i pravodzicca», — zajaviŭ namieśnik kiraŭnika MUS.
Raniej byli apublikavanyja mierkavanyja aŭdyjozapisy razmoŭ fihurantaŭ spravy Šaramieta z supracoŭnikami SBU.
Šaramiet zahinuŭ 20 lipienia 2016 hoda ŭ Kijevie: mašyna, u jakoj jon jechaŭ, była ŭzarvanaja. U śniežni 2019-ha MUS nazvała imiony piaciarych čałaviek, jakija «abjektyŭna padazrajucca» ŭ ździajśnieńni złačynstva: doktar Julija Kuźmienka, Andrej Antonienka, vajennaja miedsiastra Jana Duhar, Uładzisłaŭ Hryščanka i jaho žonka Ina. Usie jany — udzielniki vajny na Danbasie i, pavodle viersii śledstva, chacieli destabilizavać situacyju va Ukrainie.
