Raniej u tielehram-kanale Nexta Lite źjaviłasia infarmacyja ab tym, što 4 lutaha ranicaj u Minsku zdaryłasia trahiedyja ŭ siamji emihrantaŭ z Kitaja: zahinuła 4-hadovaja dziaŭčynka. Taksama tam paviedamlałasia, što raniej babuli hetaj dziaŭčynki stała drenna, chutkaja zabrała jaje ŭ špital. U tielehram-kanale taksama adznačana, što razam z babulaj u kliniku nibyta pajechali i inšyja darosłyja (hetaja infarmacyja nie paćvierdžanaja), a 4-hadovaja dziaŭčynka tym časam vypała z akna doma i zahinuła. Pa fakcie hibieli dziciaci pravodzicca pravierka SK.
— Pa hetym fakcie Maskoŭskim (horada Minska) rajonnym adździełam SK pravodzicca pravierka, vyśviatlajucca ŭsie abstaviny zdareńnia, pryznačana praviadzieńnie nieabchodnych ekśpiertnych daśledavańniaŭ. Śledčyja prosiać nie stvarać infarmacyjny ažyjataž u suviazi z trahiedyjaj kankretnaj siamji niezaležna ad nacyjanalnaści, — adznačyła aficyjny pradstaŭnik USK pa Minsku Kaciaryna Harlinskaja.
Što tyčycca babuli, to jaje sapraŭdy špitalizavali. Paśla praviadzieńnia analizaŭ aściarohi miedykaŭ z nahody karanavirusa ŭ pacyjentki nie paćvierdzilisia, adznačyła pres-sakratar Ministerstva achovy zdaroŭja Julija Baradun.
