Fota Nadziei Bužan
Sustaršynia Biełaruskaj chryścijanskaj demakratyi Pavieł Sieviaryniec 13 lutaha padaŭ dakumienty dla ŭdziełu ŭ prajmieryz pa vyznačeńni adzinaha kandydata ad apazicyi, paviedamlaje sajt arhanizacyi.
Raniej zajaŭku na ŭdzieł u prajmieryz (vybar adzinaha kandydata ad častki apazicyi) padali staršynia Ruchu «Za Svabodu» Juryj Hubarevič i staršynia AHP Mikałaj Kazłoŭ.
Pra ŭdzieł u prajmieryz zajavili namieśnik staršyni Partyi BNF Alaksiej Janukievič, samavyłučenka Volha Kavalkova, eks-deputat Hanna Kanapackaja, ale jany pakul nie padali zajaŭki. Svoj udzieł taksama nie vyklučyli błohier Siarhiej Cichanoŭski i kiraŭnik partyi «Zialonyja» Dźmitryj Kučuk.
Pryjom zajavak na «adzinaha» skančajecca ŭviečary 16 lutaha. Kančatkovy śpis pretendentaŭ płanujuć abviaścić 4 sakavika. Vyznačycca z kandydaturaj adzinaha častka apazicyi pavinna da kanca maja. Sami prezidenckija vybary pavinny prajści nie paźniej za 30 žniŭnia 2020 hoda.
