Fota Julii Mickievič
U subotu, 15 lutaha, nočču pa poŭdni krainy mokry śnieh i doždž, miescami nalipańnie mokraha śniehu. Dniom pieravažna biez apadkaŭ. Na asobnych učastkach daroh hałalodzica. Nočču 0…-6°S, dniom +1…6°S, piša Tut.by
U Minsku — bieź istotnych apadkaŭ. Na asobnych učastkach daroh hałalodzica. Nočču -1…-3°S, u vakolicach horada -4…-6°S, maksimalnaja dniom +3…5°S.
U niadzielu stanie jašče ciaplej. Nočču -3…+2°S, dniom +2…+7°S, pa paŭdniovym zachadzie da +9°S. Pieravažna biez apadkaŭ, tolki ŭ asobnych rajonach pa poŭnačy mokry śnieh, jaki budzie pierachodzić u doždž. Na darohach hałalodzica.
Užo 17 lutaha, u paniadziełak, umovy nadvorja buduć vyznačać atmaśfiernyja franty ad šyrokaha cykłona «Denis», jaki budzie pieramiaščacca ŭzdoŭž bierahoŭ Skandynavii na poŭnač Narviehii.
Pieravažna pa paŭnočnaj pałovie Biełarusi projduć karotkačasovyja daždžy. U mnohich rajonach našaj krainy mocny paryvisty paŭdniova-zachodni viecier. Nočču 0…+6°S, maksimalnaja dniom ad +5°S pa paŭnočnym uschodzie da +12°S pa paŭdniovym zachadzie krainy.
U siaredzinie tydnia zachavajecca nie pa-zimovamu ciopłaje nadvorje.
