Staršynia pastajannaj kamisii pa pravach čałavieka, nacyjanalnych adnosinach i ŚMI Pałaty pradstaŭnikoŭ Hienadź Davydźka inicyjuje zamianić rekłamu na zamiežnych telekanałach na biełaruskuju sacyjalnuju, pieradaje BiełTA.
Źmieny ŭ rekłamu na telekanałach abmiarkoŭvajuć siońnia padčas pasiadžeńnia rabočaj hrupy pastajannaj kamisii pa žyllovaj palitycy i budaŭnictvu Pałaty pradstaŭnikoŭ Nacyjanalnaha schodu. Na abmierkavańnie vyniesieny prajekt zakona «Ab źmianieńni zakonaŭ pa pytańniach rekłamy».
«Prapanova zaklučajecca ŭ nastupnym. Kali zamiežny srodak masavaj infarmacyi ŭ nas pa zakonie tranśluje biez prava pakazvać rekłamu na terytoryi našaj krainy, to dobrasumlennaje ŚMI i kabielnyja apieratary abaviazanyja jaje vyrazać. Mianie aburaje zaŭsiody, kali ja prahladaju kabielnyja kanały i tam davoli-taki časta sustrakajecca rekłama rasijskich i inšych zamiežnych vytvorcaŭ. Pa hetym zakonaprajekcie budzie dazvolena sacyjalnaja rekłama, heta značyć sacyjalnyja roliki, što ŭrazajucca ŭžo biełaruskim apierataram u hety kantent», — skazaŭ Hienadź Davydźka.
