Alaksandr Łukašenka siońnia padčas naviedvańnia Śvietłahorskaha celułozna-kardonnaha kambinata pahutaryŭ ź niekalkimi rabotnikami. Adnym ź ich akazaŭsia vychadziec ź Jehipta, jaki ŭžo 7 hadoŭ žyvie ŭ Biełarusi. Videa apublikavaŭ telehram-kanał «Puł pieršaha».
Łukašenka pacikaviŭsia, ci ažaniŭsia jehipcianin u Biełarusi i ci jość u jaho dzicia. Rabočy kiŭnuŭ hałavoj.
Łukašenka adznačyŭ:
— Samyja pryhožyja dzieci — heta kali jehipcianie, livijcy, siryjcy, irakcy, irancy ženiacca na našych dziaŭčatach. Samyja pryhožyja dzieci!
Łukašenka taksama dadaŭ, što nieŭzabavie naviedaje Jehipiet i sustreniecca z prezidentam hetaj krainy.
