Zbornaja Rasii moža stracić pieršaje miesca ŭ miedalnym zaliku zimovych Alimpijskich hulniaŭ u Sočy 2014 hoda. Pra heta stała viadoma paśla taho, jak bijatłanist Jaŭhien Uściuhaŭ byŭ pryznany vinavatym u parušeńni dopinhavych praviłaŭ, a jaho vyniki sa žniŭnia 2013 hoda da kanca siezona 2013-2014 — anulavanyja, piša TASS.
U hety pieryjad traplaje i sočynskaja Alimpijada, tamu Uściuhaŭ pavinien być pazbaŭleny zołata, zavajavanaha na hetych Hulniach u estafiecie. U suviazi z hetym rasijskaja zbornaja stracić lidarstva ŭ ahulnakamandnym miedalnym zaliku AH-2014 i apuścicca na treci radok, prapuściŭšy napierad Narviehiju i Kanadu, jakija zojmuć pieršaje i druhoje miescy adpaviedna.
Uściuhaŭ maje try tydni na toje, kab asprečyć rašeńnie ab pakarańni ŭ Spartyŭnym arbitražnym sudzie.
