Biełaruski dziaržaŭny ŭniviersitet płanuje pavysić ceny na adukacyju z 1 sakavika pryblizna na 12%. U pres-słužbie BDU Radyjo Svaboda rastłumačyli, što robiać heta «dziela pryviadzieńnia ich u adpaviednaść z realnymi vydatkami».
Pavodle pres-słužby BDU, tym, chto ŭžo zapłaciŭ za navučańnie, zrobiać pieraraźlik za čatyry miesiacy, jakija zastanucca da kanca navučalnaha hoda.
«Jak tolki ich paličać i paćvierdziać, hetyja ceny buduć aficyjna raźmieščanyja na sajcie ŭniviersiteta ŭ raździele «Płatnyja pasłuhi», — skazali ŭ pres-słužbie.
Na roznych fakultetach i śpiecyjalnaściach BDU navučańnie padaražeje niedzie na 400-500 rubloŭ u hod.
Inšyja ŭniviersitety Biełarusi nie abviaščali pra pavyšeńnie cen na navučańnie.
0
0
0
0
0
0