Fota: Vadzim Sarančukoŭ
Aktyvisty 19 lutaha padali zajaŭku ŭ harvykankam na praviadzieńnie Dnia Voli ŭ Kałožskim parku ŭ subotu, 21 sakavika z 13.00 da 18.00. Zajaŭku padpisali čatyry hrodzienca. Dla praviadzieńnia mierapryjemstva ŭ Kałožskim parku nie patrebien dazvoł uładaŭ, tut dziejničaje paviedamlalny pryncyp. Ale arhanizatary pavinny zapłacić za pracu achovy pravaparadku, chutkaj dapamohi i kamunalnych słužbaŭ, piša Hrodna.life.
Arhkamitet prapanuje adznačyć Dzień Voli haradskim festam-kvestam z naboram cikavostak.
Sioleta scenu płanujuć nie rabić centralnaj kropkaj pryciahnieńnia. Płanujucca palityčnyja i kulturnyja pramovy, muzykalnyja vystupy. U płanach uklučyć u fiestyval handlovy kirmaš, fudkort, dziciačuju placoŭku. Aktyvisty chočuć bačyć rekanstruktaraŭ, fotazonu, ciry. U płanach arhkamitetu vykarystać nabor admietnaściaŭ, jaki vyłučyć Dzień Voli z šerahu inšych mierapryjemstvaŭ, jakija buduć pravodzić pa ŭsioj Biełarusi. Kštałtu pašpartoŭ BNR i vizaŭ hrodziencaŭ, jakija atrymajuć samyja aktyŭnyja.
— Pracy na miesiac vielmi šmat, i my zaprašajem usich dałučacca z samymi roznymi idejami, navat nievykanalnymi, — piša Vadzim Sarančukoŭ. Aktyvisty źbirajuć prapanovy pa aktyŭnaściach i hurtach, jakija hrodziency chočuć ubačyć na mierapryjemstvie. Svaje pažadańni možna pakidać u sacsietkach tut i tut.
Padtrymać śviata ź Biełarusi možna praz kraŭdfandynh. Chutka źjaviacca zamiežnyja rekvizity. Pavodle padlikaŭ aktyvistaŭ, śviata abyjdziecca ŭ 15 000 rubloŭ. Hrošy patrebnyja na:
— apłatu achovy pravaparadku,
— hanarary muzykam dy rycarskim kłubam,
— apłatu hukaŭzmacnialnaj aparatury,
— apłatu chutkaj dapamohi i kamunalnych słužbaŭ.
Zajaŭka na Dzień Voli ŭ Minsku padadziena na 22 sakavika. To-bok hrodziency majuć mahčymaść naviedać dva śviaty. Taksama 22 sakavika ŭ Vilni płanujecca mierapryjemstva da hadaviny zabojstva Kastusia Kalinoŭskaha.
25 sakavika 1918 hodzie ŭ Minsku była stvorana Biełaruskaja Narodnaja Respublika. Hrodna ŭ 1919 hodzie staŭ druhoj stalicaj BNR. Hramadskija aktyvisty razam z žycharami horada ŭ 2018 i 2019 hodzie adznačyli 100 i 101 uhodki stvareńnia Biełaruskaj Narodnaj Respubliki kancertam i Vialikim śviatam u Kałožskim parku.
