Alaksandr Łukašenka i Uładzimir Pucin abmierkavali pytańnie pracentnych stavak pa kredycie na BiełAES. Pra heta kiraŭnik krainy raskazaŭ siońnia na sustrečy z hubiernataram Archanhielskaj vobłaści Iharam Arłovym, piša BIEŁTA.
«Abmierkavali pytańni kredytnych našych pahadnieńniaŭ, abaviazacielstvaŭ i kredytavańnia Biełarusi, biełaruskaj ekanomiki, pytańni pracentnych stavak, asabliva pa atamnaj stancyi, kab chutčej skončyli ŭ pakiecie. Jak my ŭ Sočy abmiarkoŭvali, kab chutčej skončyli hetyja damoŭlenaści i kab nie było niejkich abciažvajučych abstavin», — skazaŭ biełaruski lidar.
Pavodle słoŭ Alaksandra Łukašenki, jon i Uładzimir Pucin pryjšli da vysnovy, što BiełAES budzie najlepšaj stancyjaj. «I pa takim typie jany buduć budavać va ŭsim śviecie, i my budziem padstaŭlać plačo dzie treba», — adznačyŭ jon.