Rasijski bok prapanavaŭ Biełarusi źnižać premii pa cenach na naftu, jakaja pastaŭlajecca ŭ krainu, prykładna na $2 za tonu kožny hod, heta značyć praparcyjna źnižeńniu ekspartnaj pošliny. Pra heta zajaviŭ ministr enierhietyki Rasii Alaksandr Novak, paviedamili RBK u pres-słužbie viedamstva.
«Prapanavany padychod, jaki ŭličvaje źnižeńnie ekspartnaj pošliny. <…> Heta daść mahčymaść častkova kampiensavać efiekt ad źmianšeńnia ekspartnaj pošliny», — skazaŭ Novak, dadaŭšy, što Minsk užo viedaje pra heta.
U piatnicu, 21 lutaha, Alaksandr Łukašenka raskazaŭ pra «niečakanuju prapanovu» Uładzimira Pucina pa nafcie. Pavodle jaho słoŭ, Pucin prapanavaŭ vypłacić Minsku kampiensacyju ŭ pamiery da $ 300 młn za straty, jakija Minsk panios z-za padatkovaha manieŭru. Straty Biełarusi ad padatkovaha manieŭru ŭ 2020 hodzie Łukašenka siońnia acaniŭ u $ 420-430 młn pry abjomach pastaŭki rasijskaj nafty 24 młn t štohod.
