Biełaruś padpisała pratakoł z Rasijaj ab kampiensacyi za brudnuju naftu z raźliku $15 za baral, zajaviŭ namieśnik staršyni kancerna «Biełnaftachim» Uładzimir Sizoŭ, paviedamlaje BiełTA.
«Viadziecca aktyŭnaja rabota, užo padpisany pratakoł, što rasijski bok hatovy kampiensavać, — skazaŭ Uładzimir Sizoŭ. — Idzie praca, nakiravanaja na ŭstalavańnie i paćviardžeńnie tych kampiensacyjnych vypłat, jakija ŭ vyniku pavinny buduć być vypłačanyja na adras Mazyrskaha naftapierapracoŭčaha zavoda».
Namieśnik staršyni «Biełnaftachima» adznačyŭ, što havorka idzie pra sumu «pa anałohii ź inšymi bakami, jakija byli ŭciahnutyja ŭ historyju z brudnaj naftaj», — kontrahientami ŭ Polščy, Čechii, Słavakii, Vienhryi. «Z adkrytych krynicaŭ stała viadoma, što jany atrymali kampiensacyju ŭ pamiery $15 za baral pastaŭlenaj nafty z pavyšanym utrymańniem chłorarhaniki», — dadaŭ jon.
