Kancern «Biełnaftachim» budzie trymacca stratehii płaŭnaj źmieny cen na paliva, paviedamiŭ namieśnik staršyni kancerna «Biełnaftachim» Uładzimir Sizoŭ, razmaŭlajučy siońnia z hramadzianami, pieradaje BIEŁTA.

«Źmiena cen na naftapradukty na ŭnutranym rynku adbyvajecca płaŭna pa ŭzhodnienaj stratehii, praduhledžana karekciroŭka na adnu kapiejku. Zaraz heta rost, ale była praktyka źnižeńnia na adnu kapiejku», — adznačyŭ Uładzimir Sizoŭ.

Namieśnik staršyni «Biełnaftachima» nahadaŭ, što košt paliva zaležyć ad niekalkich składnikaŭ: koštu syraviny, damoŭlenaściaŭ z pastaŭščykami, padatkovaj nahruzki, kursaŭ valut.

«My vymušany kuplać naftu za valutu, tamu vahańni valuty taksama adlustroŭvajucca na canie naftapraduktaŭ», — rastłumačyŭ jon.

Pry hetym Uładzimir Sizoŭ źviarnuŭ uvahu, što, kali cana nafty raście na 10-15%, rostu cen na naftapradukty na takuju ​​ž vieličyniu nie nazirajecca — karekciroŭka adbyvajecca na 1 kapiejku.

Клас
0
Панылы сорам
0
Ха-ха
0
Ого
0
Сумна
0
Абуральна
0