U Kazachstanie źniali na videa bojku dvuch zajcoŭ-bielakoŭ. Kadry byli apublikavanyja na aficyjnaj staroncy Katon-Karahajskaha dziaržaŭnaha nacyjanalnaha pryrodnaha parku ŭ instahramie.

Bojka trapiła ŭ abjektyŭ fotapastki ŭ Ałtajskim laśnictvie. Zajcy skakali la karmuški, pa čarzie ŭstavali na zadnija łapy i sprabavali ŭdaryć adzin adnaho piarednimi, ale raz za razam pramachvalisia.

U kancy lutaha ŭ zajcoŭ-bielakoŭ pačynajecca pieršy šlubny pieryjad. Padčas honu jany časta bjucca: uzbudžanyja samcy bjuć supiernikaŭ, a samki — zališnie nazojlivych zalotnikaŭ. Dzicianiaty źjaŭlajucca na śviet praz dva miesiacy, paśla čaho ŭ bielakoŭ znoŭ pačynajecca hon. Za hod zajčycha paśpiavaje prynieści prypłod dva-try razy.

Клас
0
Панылы сорам
0
Ха-ха
0
Ого
0
Сумна
0
Абуральна
0